ރެކްޓަރ މިންގަނޑުން 7.5 މެގްނިޓިއުޑްގެ ބާރުގަދަ ބިންހެލުމެއް ރަޝިއާއަށް އައިސްފިކަމަށް ޔޫ.އެސް ޖެއޮލޮޖިކަލް ސަރވޭއިން މިއަދު ހާމަކޮށްފިއެވެ.

ރަޝިއާގެ އިރުމަތީ ޕެޓްރޮޕެވްލޮސްކް-ކަމްޗެޓްސްކީ ސިޓީއާއި 384 ކިލޯމީޓަރު ހުޅަނގުދެކުނަށް އައި މި ބިންހެލުމުައި އެއްވެސް މީހަކަށް އަދި ތަނަކަށްވެސް ގެއްލުމެއް ލިބިފައިވާކަމަށް އަދި ރިޕޯޓު ކުރެވިފައެއް ނުވެއެވެ.

މި ބިންހެލުން އައިސްފައިވަނީ ރަޝިއާ ގަޑިން ރޭ މެންދަމު 02:12 ގައި ކަމަށް ޔޫ.އެސް.ޖީ.އެސްއިން މަޢުލޫމާތުދިނެވެ. މި ބިންހެލުން އައި ވަގުތު ޕެޓްރޮޕެވްލޮސްކް-ކަމްޗެޓްސްކީ ސިޓީގެ މީހުންތައްވަނީ ގެތައް ދޫކޮށް މަގުމައްޗަށް އެއްވެފައެވެ. ރަޝިއަން އެމަޖެންސީ ސިޗުއޭޝަން މިނިސްޓްރީން ހާމަކުރެއްވިގޮތުގައި މި ބިންހެލުމުގެ ސަބަބުން އެސަރަހައްދުގެ ރައްޔިތުންގެ މެދުގައި ބިރުވެރިކަން އުފެދުނުނަމަވެސް މި ބިންހެލުމުގައި އެއްވެސް އިމާރާތެއް ނުވަތަ ތަނަކަށް ގެއްލުމެއް ލިބިފައެއް ނުވެއެވެ.