ސާފް ޗެންޕިއަންޝިޕްގެ ތަށި ރާއްޖޭގެ މީހުން ދިރިއުޅޭ ހުރިހާ ރައްރަށަށް ގެންދިއުމުގެ ދަތުރުފަށާފައި ވަނިކޮށް އެތަށި ނޭރުވުމަށް އެދި ފުވައްމުލަކުގެ 2000 މީހުން ސޮއިކޮށް، އަތޮޅުވެރިޔާއަށް ސިޓީއެއް ފޮނުވާފައި ވަނިކޮށް، އިއްޔެ އެތަށި އެރަށަށް އަރުވައިފިއެވެ.

އިއްޔެ މެންދުރު އެރަށަށް ތަށި އެރުވުމާއި އެކު އެރަށުގެ ރައްޔިތުންގެ ގިނަ ބަޔަކު ވަނީ ވަރަށް ހޫނު މަރުޙަބާއެއް ކިޔާފައެވެ.

ރަތް ދޫލައަޅާފައިވާ ފާލަމުގައި ތަށި ހިފައިގެން އަންނަ ޓީމަށް މަރުޙަބާ ކިޔުމަށް އަތޮޅުވެރިންގެ އިތުރުން އެރަށުގެ ބައެއް އިސްވެރިން ވެސް ތިއްބެވިއެވެ.

އެރަށައް ތަށި އެރުވުމަށް އެދި ހުށަހަޅާފައިވާ މީހުން ބުނަނީ އެތަށި އެރަށައް އަރުވަން ބޭނުންވާ ސަބަބުތައް ވަރަށް ގިނަ ކަމަށެވެ.

އެމީހުން ދެކޭ ގޮތުގައި އެތަށި އެރަށައް ނޭރުވި ނަމަވެސް ޚަރަދުތަކެއް ކުޑަވެގެންނުދާނެއެވެ.

އެތައްޓަކީ ކޮންމެ ދިވެހި ރައްޔިތެއްގެ ވެސް އެއްޗެއް ކަމަށް އެމީހުން ޤަބޫލްކުރާކަމަށް، ޤައުމީ ޓީމު ހޯދި ކާމިޔާބީ އެމީހުން ހިއްސާކުރަންބޭނުންވާ ކަމަށެވެ.

ނަމަވެސް މިތަށި ނޭރުވުމަށް އެދި ހުށަހަޅާފައިވާ އެއްވެސް މީހަކު އެތަށި އެރަށައް ނޭރުވުމަށް އެދިފައިވަނީ ޤައުމީ ޓީމު ހޯދި ކާމިޔާބީ އަގުވަޒަންނުކުރާތީ ނޫން ކަމަށް ބުޏެވެ.

މިއަހަރުގެ ސާފް ޗެންޕިއަންޝިޕްގެ ތަށި ރާއްޖޭއަށް ލިބުމާއި ގުޅިގެން އެކާމިޔާބީއަކީ ރާއްޖޭގެ ހުރިހާ ރައްޔިތުންގެ ވެސް ޙައްގަކަށްވާތީވެ، އެތަށި ރާއްޖޭގެ މީހުން އުޅޭ ހުރިހާ ރަށަކަށް ގެންދިއުމަށް ފަށާފައިވާ ދަތުރުގައި ބައެއް ރައްރަށުން ވަނީ އެތަށި އެރުވިޔަ ނުދީފައެވެ.